Venesuela sahillərinə yaxın bölgələrdə ABŞ-a məxsus hərbi təyyarələrin hərəkəti müşahidə olunub. Rəsmi Karakas bu vəziyyəti ölkənin təhlükəsizliyinə yönəlmiş açıq təxribat kimi qiymətləndirir.
Redaksiya xəbər verir ki, Venesuela müdafiə naziri Vladimir Padrino Lopes açıqlamasında ABŞ-ı açıq şəkildə ittiham edərək bildirib: “ABŞ dünyanın gözü qarşısında Venesuelanın təhlükəsizliyini təhdid edən təxribatlar həyata keçirir”.
Nazirin sözlərinə görə, Karakas beynəlxalq hüququn pozulmasına yol verilməməsi üçün bütün diplomatik və hərbi vasitələrlə öz ərazi bütövlüyünü qorumaqda israrlıdır. ABŞ tərəfi isə hələlik bu ittihamlara rəsmi cavab verməyib.
