İngiltərə futbolunda maraqlı iddia ilə gündəmə gələn azarkeş Frank Ilettin 494 gündür davam edən “saç kəsdirməmək” seriyası növbəti oyundan sonra da bitməyib. O, Mançester Yunaytedin ardıcıl 5 oyun qazanacağı təqdirdə saçını kəsdirəcəyini bildirmişdi.
Redaksiya xəbər verir ki, komandanın Mançester Siti, Arsenal, Fulhem və Tottenhem üzərində əldə etdiyi qələbələrdən sonra ümidlər artsa da, 18-ci oyunda Vest Hemlə 1-1 hesablı heç-heçə bu seriyanı yarımçıq qoyub. Bununla da Yunayted yenidən ardıcıl 5 qələbə qazanmaq imkanını əldən verib.
Beləliklə, Frank Ilettin qeyri-adi vədi 494-cü günə çatıb və hələ də qüvvədə qalır. Azarkeşlər sosial şəbəkələrdə bu vəziyyəti zarafatla “lənət” adlandırırlar. Komandanın növbəti matçlarda necə nəticə göstərəcəyi isə həm azarkeşlər, həm də idman ictimaiyyəti tərəfindən maraqla izlənilir.
