ABŞ Hərbi Dəniz Qüvvələrinə məxsus USS Abraham Lincoln aviadaşıyıcısına doğru hərəkət edən İran istehsalı Şahid-139 kamikadze pilotsuz uçuş aparatı ABŞ Hərbi Hava Qüvvələrinin F-35 qırıcısı tərəfindən məhv edilib. Hadisə regionda artan hərbi gərginlik fonunda baş verib və dənizdə təhlükəsizlik tədbirlərinin gücləndirildiyini göstərir.
Redaksiya Reuters istinadla xəbər verir ki, pilotsuz uçuş aparatı USS Abraham Lincoln hərbi gəmisinə yaxınlaşdığı an müəyyən edilərək havadan zərbə ilə vurulub. Mənbənin məlumatına görə, əməliyyat ABŞ qüvvələrinin özünümüdafiə tədbirləri çərçivəsində həyata keçirilib və hərbi gəmi üçün birbaşa təhlükənin qarşısı alınıb.
Reuters-in məlumatında qeyd olunur ki, sözügedən Şahid-139 kamikadze dronu partlayıcı yüklə təchiz olunmuş olub və hədəfə çırpılmaq üçün proqramlaşdırılıb. ABŞ tərəfi insident nəticəsində şəxsi heyət və texnika arasında itkilərin olmadığını açıqlayıb.
Hadisə Yaxın Şərqdə ABŞ və İran arasında gərgin münasibətlərin davam etdiyi bir dövrdə qeydə alınıb. Hərbi ekspertlər bildirirlər ki, bu cür insidentlər regionda təhlükəsizlik risklərini daha da artırır və tərəflər arasında hərbi eskalasiya ehtimalını gündəmdə saxlayır.
