Cəfər Cabbarlı adına “Azərbaycanfilm” kinostudiyasının ərazisində baş vermiş partlayışla bağlı Mədəniyyət Nazirliyi operativ məlumat yayıb.
Redaksiya xəbər verir ki, 2025-ci il 26 iyun tarixində kinostudiyanın arxa hissəsində yerləşən, uzun müddətdir istifadə olunmayan anbarda partlayış qeydə alınıb.
Hadisə yerinə dərhal Fövqəladə Hallar Nazirliyinin, hüquq-mühafizə orqanlarının və Mədəniyyət Nazirliyinin əməkdaşları cəlb olunub.
Mədəniyyət Nazirliyindən bildirilib ki, hazırda partlayışın dəqiq səbəblərinin müəyyən edilməsi istiqamətində araşdırmalar davam etdirilir. Paralel olaraq ərazidə təhlükəsizlik tədbirləri gücləndirilib, texniki ekspertlər və müvafiq qurumların nümayəndələri hadisə yerindədir.
Əlavə məlumat veriləcəyi açıqlanıb.
Sevinc Kərimova
