Uzunmüddətli oturaq vəziyyət, fiziki yüklənmə və hərəkətsizlik nəticəsində yaranan bel ağrıları geniş yayılıb. Mütəxəssislər onurğa nahiyəsində yaranan gərginliyin aradan qaldırılması üçün sadə və təhlükəsiz fiziki hərəkətlərin mühüm rol oynadığını bildirirlər.
Redaksiya məlumat verir ki, təqdim olunan sadə hərəkət onurğanı yumşaq şəkildə açmağa, əzələləri rahatlaşdırmağa və bel nahiyəsində qan dövranını yaxşılaşdırmağa yönəlib. Hərəkət mərhələləri aşağıdakı ardıcıllıqla icra edilməlidir:
1. Yerə uzanın, bel və çiyinləri yerə sıxaraq yumşaq və yavaş burulma hərəkəti edin.
2. Vəziyyəti aldıqdan sonra bud nahiyəsini yan tərəfə çevirin.
3. Bu vəziyyətdə 5 dəqiqəyədək qalın.
Qeyd olunur ki, hərəkət bütün onurğa boyunca əzələ spazmını azaltmağa, bel əzələlərinə qan axınını gücləndirməyə və uzunmüddətli gərginlikdən sonra fəqərələrin təbii vəziyyətinə qayıtmasına kömək edir. Mütəxəssislər hərəkətin ağrı həddi nəzərə alınaraq, tələsmədən və nəzarətli şəkildə icra edilməsini tövsiyə edirlər.
