Qəzzaya humanitar yardım aparan “Handala” gəmisilə rabitə tamamilə kəsilib.
Redaksiya xəbər verir ki, bu barədə “Azadlıq Donanması Koalisiyası” məlumat yayıb. Bildirilib ki, gəminin yaxınlığında çoxsaylı pilotsuz uçuş aparatları – dronlar müşahidə olunur və onun yolu kəsilmiş və ya hücuma məruz qalmış ola bilər.
Qəzza blokadasını yarmaq məqsədilə İtaliyanın limanından yola çıxan “Handala” gəmisində yardım qrupları və fəallar da mövcuddur. “Əl-Cəzirə” telekanalının yaydığı məlumata görə, bölgədə vəziyyət son dərəcə gərgindir və gəminin taleyi ilə bağlı hələlik dəqiq məlumat yoxdur.
Sevinc Kərimova
