Bölgədə gərginliyin nisbətən səngiməsindən sonra həm İsrail, həm də İran hava məkanında məhdudiyyətlər aradan qaldırılıb.
Redaksiya xəbər verir ki, İsrail Hava Limanları İdarəsi artıq ölkədə bütün uçuşların heç bir məhdudiyyət olmadan tam şəkildə bərpa edildiyini açıqlayıb.
Digər tərəfdən, İran da bu gün — həftənin üçüncü günü etibarilə öz hava məkanını açıb. Tehran rəhbərliyi təhlükəsizlik vəziyyətini nəzərdən keçirdikdən sonra qadağanın ləğv olunduğunu elan edib.
ABŞ-ın İsraildəki səfiri Mayk Hakabi isə mövcud vəziyyəti belə dəyərləndirib: “Günlərlə sığınacaqlara qaçdıqdan sonra dünən gecə normal şəkildə yata bildik. Bu çox gözəl hissdir.”
