Fransanın Marsel şəhərində mağazalara və ictimai binalara hücumlarla müşayiət olunan iğtişaşlar qeydə alınıb. Hadisələr zamanı küçələrdə dağıntılar, maddi ziyan və ictimai asayişin pozulması müşahidə olunub.
Redaksiya məlumat verir ki, yerli mənbələrin iddiasına görə, Fransa tərəfindən uzun illərdir qorunduğu və sığınacaq verildiyi bildirilən YPG/SDQ silahlı qruplaşmalarının tərəfdarları aksiyalarda iştirak edib. Aksiyaçılar mağazalara və ictimai obyektlərə hücum edərək şəhərin bir neçə rayonunda gərginlik yaradıb.
Hadisələr zamanı səsləndirilən “Why aren’t you saving us?” (Niyə bizi xilas etmirsiniz?) şüarı aksiyanın siyasi məzmun daşıdığını göstərən əsas elementlərdən biri kimi qeyd olunur. Şüarın kimə ünvanlandığı və konkret tələblərin nədən ibarət olduğu barədə rəsmi açıqlama verilməyib.
Fransa hüquq-mühafizə orqanları baş verənlərlə bağlı araşdırma aparıldığını, asayişin bərpası üçün əlavə təhlükəsizlik tədbirlərinin görüldüyünü bildirib. Rəsmi qurumlar hadisələrin təşkilatçıları və iştirakçıları ilə bağlı hüquqi qiymətləndirmənin veriləcəyini vurğulayıb.
