Tokioda keçirilən balıq hərracında 243 kiloqram çəkisi olan maviüzgəcli tuna rekord məbləğə satılıb. Balıq 510 milyon yen, təxminən 3,2 milyon avro qarşılığında alıcı tapıb.
Redaksiya xəbər verir ki, satışa çıxarılan maviüzgəcli tuna Yaponiyanın şimalında yerləşən Aomori prefekturasının sularında ovlanıb. Balığın alıcısı suşi üzrə ixtisaslaşmış iri yapon restoranlar şəbəkəsi olub.
Yaponiyada ilin ilk hərracında əsas lotun alınmasının biznes üçün uğur gətirdiyinə inanılır. Bu cür alışların müştərilərin diqqətini cəlb etdiyi və ən bahalı balığı dadmaq üçün uzun növbələrin yarandığı bildirilir.
