ABŞ-in Minneapolis şəhərində ICE (İmmiqrasiya və Gömrük Mühafizəsi) əməkdaşının avtomobili ilə əməliyyata mane olduğu bildirilən bir qadını güllələyərək öldürdüyü hadisə ilə bağlı video görüntülər ictimaiyyətə açıqlanıb. Hadisə şəhərdə geniş müzakirələrə səbəb olub və hüquq-mühafizə orqanlarının fəaliyyəti yenidən diqqət mərkəzinə düşüb.
Redaksiya xəbər verir ki, yayımlanan videoda ICE agentinin qadının idarə etdiyi nəqliyyat vasitəsinin əməliyyata mane olduğu anda atəş açdığı görünür. Rəsmi açıqlamalara görə, qadın aldığı güllə yaralarından hadisə yerində həyatını itirib.
Hadisədən sonra Minneapolis meri açıqlama ilə çıxış edərək ICE strukturlarının şəhərdəki fəaliyyətinə etirazını bildirib və onların şəhəri tərk etmələrinə çağırış edib. Merin sözlərinə görə, baş verən ölümcül insident yerli ictimaiyyətdə narahatlığı artırıb və şəhər rəhbərliyi bu qurumun fəaliyyətini dəstəkləmir.
