İtalyan moda dizayneri, Valentino moda evinin banisi Valentino Garavani 93 yaşında dünyasını dəyişib. O, qlobal moda sənayesində onilliklər ərzində formalaşdırdığı estetik yanaşma və yüksək dəbli kolleksiyaları ilə tanınıb.
Redaksiya Skytg24-ə istinadla xəbər verir ki, Valentino Garavaninin vəfatı ilə bağlı məlumat televiziya kanalı tərəfindən təsdiqlənib. Bildirilir ki, dizayner uzun illər ərzində İtaliya və beynəlxalq moda mühitində aparıcı fiqurlardan biri olub.
Mərhum dizaynerin vəfatı ilə əlaqədar ailəsi və moda ictimaiyyəti tərəfindən dərin hüzn ifadə edilib. Onun yaratdığı Valentino brendi lüks, zəriflik və klassik üslubun simvollarından biri kimi qəbul olunur.
Yenilənmiş məlumata əsasən, Valentino Garavaninin dəfn mərasimi cümə günü Romada keçiriləcək. Bu barədə dizaynerin fondu rəsmi açıqlama yayıb.
