Dizel-elektrik tahrikli “B-261 Novorossiysk” sualtı qayığında baş vermiş texniki nasazlıqla bağlı iddialar gündəmə gəlib. Məlumata görə, sualtı qayığında qeyd olunmayan “zədələr” səbəbindən yanacaq sızması baş verib və yanacaq birbaşa sintinəyə axıdılıb.
Redaksiya xəbər verir ki, bu barədə məlumatı “Zone Militaire” yayıb. Hadisəni qeyri-adi edən məqam isə rus müxalif “Telegram” kanalı “Tcheka-OGPU”-nun iddialarıdır. Kanalın yaydığı sənədlərə görə, “Novorossiysk” ciddi texniki nasazlıq yaşayır. Bildirilməyən “zədələr” səbəbindən sualtı qayığında yanacaq sızması baş verib və yanacaq birbaşa sintinəyə axıdılıb.
“DefenceTurk” saytında dərc olunan xəbərə görə, bu cür hadisələr sualtı qayığın əməliyyat qabiliyyətinə mənfi təsir göstərə bilər. Yanacaq sızması həm də ətraf mühit üçün təhlükə yaradır. Hadisə ilə bağlı rəsmi açıqlama verilməyib, lakin iddialar sualtı qayığın texniki vəziyyəti ilə bağlı ciddi suallar doğurur.
