Son günlər sosial şəbəkələrdə və mediada quru meyvələrlə bağlı yayılan iddialar mütəxəssislər tərəfindən müxtəlif şəkildə şərh olunur. Bəzi mənbələr kükürd dioksidinin (SO₂) sağlamlığa zərər verə biləcəyini iddia edir və həssas insanlarda narahatlıq, allergik reaksiyalar və həzm problemləri yarada biləcəyini bildirir.
Redaksiya xəbər verir ki, kükürd dioksidi bəzi sənaye üsulu ilə hazırlanan quru meyvələrin rəngini qorumaq və onların xarab olmasının qarşısını almaq üçün konservant kimi istifadə olunur. Mütəxəssislər qeyd edirlər ki, normativlərə uyğun tətbiq edildikdə SO₂-nin miqdarı təhlükəsiz hədlərdə qalır və quru meyvələrin sağlamlıq üçün tam zərərli olduğuna dair elmi konsensus yoxdur.
İstehlakçılar məhsul seçərkən etiketlərə diqqət etməli, “unsulphured / kükürdsüz” qeyd olunan məhsullara üstünlük verməli və quru meyvələri ölçülü şəkildə istifadə etməlidirlər. Təbii və əlavə maddə olunmayan quru meyvələr isə vitamin, lif və minerallarla zəngin hesab olunur.
