Şimali Koreya yerli vaxtla səhər saat 08:10 radələrində Pxenyanın cənub hissəsindən bir neçə qısamənzilli ballistik raket buraxıb. Raketlər təxminən 350 kilometr məsafə qət edərək ölkənin şərq sahillərinə doğru uçub.
Redaksiya xəbər verir ki, bu, son beş ayda Şimali Koreyanın ilk raket sınağıdır və ABŞ Prezidenti Donald Trampın APEC sammiti çərçivəsində Cənubi Koreyaya səfərindən cəmi bir neçə gün öncəyə təsadüf edir.
Müşahidəçilərin fikrincə, raket sınağı həm siyasi, həm də hərbi mesaj daşıyır və Pxenyan regionda gərginliyi artırmaqla sammit ərəfəsində öz mövqeyini gücləndirməyə çalışır. ABŞ və Cənubi Koreya hadisəni diqqətlə izlədiklərini və vəziyyətin dəyərləndirildiyini açıqlayıb.
